أشعار سمو الشيخ حمدان بن راشد آل مكتوم (فزاع),,,, حفظه الله

مشرف عام المشاركات : 117 الجنس :

السلام عليكم ورحمة الله وبركاته

اقدم لكم .....,

اشعار سمو الشيخ حمدان بن راشد أل مكتوم ( فزاع),,,, حفظه الله

القلب ماهو لعبة

الـقـلـب مـاهــو لـعـبـة ٍ فــــي يـديـنــك ياللـي المشاعـر كلهـا عـنـدك اوهــام
الـفـرق واضــح صــار بـيـنـي وبـيـنـك مثـل اليقـيـن ومـثـل طـريـات الاحــلام
مـاعــاد يـنـفـع لــــو يــــردك حـنـيـنـك خطاك كان اكبر من اسف حبر الاقلام
حـتـى الـرسـايـل فـــي هـوانــا تـديـنـك عـنـوانـهــا كـــــذب وخــيــانــات وآلام
بنـسـاك بنـسـى كـــل زيـنــك وشـيـنـك جــرح ٍ جـديـد وزاد ع جــروح ٍ قـــدام
ســدد مــن ايــام الشـقـا بـعـض ديـنـك والـلـي يـسـوم الـنــاس لابـــد يـنـسـام
كـنــا عـلــى كـــل الـخـطــا عـاذريـنــك لانستـمـع بـالـلـي حـكــى فـيــك لـــوّام
والـيــوم قـلـبـي والـفـكــر رافـضـيـنـك هيهـات يرجـع حـب مـيـت مــن الـعـام

فخر الاجيال

على وصـف الرجـال اللـي تسمّـى بالفعـال رجـال لـفـت بـيـض العـلـوم وبـيّـض الله وجــه راعيـهـا
لفـت مـا كنّـهـا الاّ سـبّـق الخـيـل ان بــدت تخـتـال نواصـيـهـا الـنـعـوت وفـــي مناكـبـهـا.. قوافـيـهـا
قصـايـد والقصـايـد مــا نسـاومـهـا بـجــاه وْمـــال نـعــبّ بـحـورهـا وان هـــاج مزمـلـهـا نـرسّـيـهـا
إذا امـتـدّ الفـكـر وامـتـدّ ليـلـي والقـصـيـد وطـــال توشّـحـت الـشـوارد ولـبـسـت الاشـعــار غالـيـهـا
كـذب مـن قـال ساعَفنـي عليهـا الجـن يـوم تـقـال أنــا الـبـس جنّـهـا واصــدر مـواردهــا واروّيـهــا
أنـا وْلا فخـر نـجـل الشـامـخ المتـمـرّس الريـبـال عـلـى وصـفـه تجاريـنـي القصـايـد قـبـل اجاريـهـا
على (محمد إبـن راشـد إبـن مكتـوم) طـاب الفـال وطـابـت لــي قـبـل لا الـــزم قوافـيـهـا.. معانـيـهـا
متى قالوا صواريهـا المعانـي.. مـا هنـاك اشكـال حــرام انّـــي لـمــدّ شـراعـهـا لأكـبــر صـواريـهـا
على اكبر منبـر ارميهـا ثنـا وْعـز وْفخـر واجـلال ما دام ان الثنا لأهلـه.. علـى اكبـر منبـر ارميهـا
لاجل قـرمٍ غـرس حلمـه لشعبـه واثمـرت الآمـال حـقـايــق نـبـصــر اوّلــهــا.. ونـتـبـاشـر بتـالـيـهـا
حقايق واضحه من دون ابو راشـد صعـب تنطـال تبـاركـهـا الـقـلــوب وتـبـهــر الـنـاظــر مغـانـيـهـا
مغانيـهـا تــراود كــل عـطـرٍ مــا خـطـر ع الـبــال واراضيـهـا يــراود كـــل عـاشــق فـــوع نـاديـهـا
أراضيـهـا الخـزامـا والنـفـل والبخـتـري والـهــال ومـا يخطـر علـى بــال العـطـر يـزخـر باراضيـهـا
ولي فيها محـب أسـرف علـى قلبـي وحـط وشـال طلـب روحـي وروحــي مـنـه فيـهـا الـلـي يكفّيـهـا
مـن اوّل مـا عرفتـه والضـلـوع تـجـرّ لــه مــوّال ولا ادري نيّـتـه بضـلـوع صـــدري وش توالـيـهـا
أنــا محـتـار مــا بـيـنـه وبـيــن (دبـــي) بالمـثـقـال يــا أمّــا (دبــي) لــه تـحـلا أو انّــه لــي يحليهـا
أوانّ (دبــي) تـحـلا لان أبــو راشــد لـهـا خـيّــال نـعـم والله وتسـبـق خيلـهـا مـــن سـبــق والـيـهـا
دبــي الـعِـز مــن طـيـب النسـايـم عـودهــا مـيّــال تمـسّـي صـاحـب الـقـدر ونـحـن باسـمـه نمسّيـهـا
صدى داره بشرق وغرب وجنوب التقـى وشمـال قـبـض الاربــع جـهـات يـلـيـن داره ذاع طـاريـهـا
طغى عزمه على وعر الدروب وله غدت مسيـال تسـيـل الأرض لاقـدامـه وتفـخـر مـــن مواطـيـهـا
غريبـه كيـف جـادت بـه سنيـنـه والسنـيـن بـخـال والاغـرب كيـف تضمـا لـه وهـو بالجـود يسقيـهـا
لـو ان المجـد سهـل ان كـان كـلٍ طـال منـه وْنـال دروب الـمـجـد ودروب الـعــلا صـعـبـه مراقـيـهـا
طويل العمر ما جيت اعتزي فـي وصفـك الأمثـال ولــكــن الـمـثـايــل تـعـتـزيـنـي بـــــك.. والـبّـيـهــا
يابوي ابشر ترى شبلك توارت عـن مـداه اشبـال وثـب فــوق الــدروب وسابـقـت رجـلـه خطاويـهـا
ورث عزمك وحزمك والخصال تجرّ طيب خصـال مواثيـقـه عـلــى طـــرق الـمـكـارم بـــك يجـدّيـهـا
إذا شـدّ الفخـر لاجلـك رحالـه قـمـت اشــدّ رحــال على نهجك.. عشان افرد رحاله وارجـع اطويهـا
واذا قالوا: من ادرى بالحصابـي والـوزون ثقـال عرفـت ان الـوزون ثقـال وانـت ادرى بْحصابيهـا
علـى الدنيـا جـدال الاّ انـت والله مـا عليـك جــدال مــع ان إيــدك يـجـادل كــل وادي سـيــل واديـهــا
لو ان السحب تنشا من كفوف امست عليك ظلال وخـرّت ساجـده لاهـل الثـرى مـن جــود منشيـهـا
مكارمـك المكـارم والعطـايـا مــن بـحـرك جــزال لـو ان السفـن تجـري فـي يمينـك ضـاع شاطيـهـا
يمينـك كـم لاحـت وابرقـت وابـطـت وهــي تنـهـال ولا والله تـــدري عـــن يـســارك كـــم معـاطـيـهـا
وكـم رجـلٍ بصـدره حاجـه وجـاك وقـبـل لا يـسـال عطيـتـه.. كـنّـك ادرى بالـصـدور وْســـرّ خافـيـهـا
وكم حلـمٍ سبقتـه.. كـان فـي عيـن الزمـان محـال تـقـول المقـبـلات افـضـل علـيـك اســرار بـاريـهـا
يقولون اختصرت اجيال واقول انته فخر الاجيـال إذا الأجيـال بــك مــا تفتـخـر.. مــن يفتـخـر فيـهـا

من يحبك

مـن يحـبـك كـثـر مــاأحـبـك أنا و من بحبك حـاول و يامـا اجتهـد
ومن في عينه شوفتك كـل المنـى لا و رب العـرش مـا غيـري احــد
أنت شوفي و أنت عمري و الهنـا يا جسد بـي روح و لروحـي جسـد
و انت عيني و انت نوري و السنا و انــت اسبـابـي إذا حـبــي خـمــد
و انت ميعادي و سهـدي و العنـى و انـت تعذيبـي و صبـري و الجلـد
و انت راحاتي و روحـي و الظنـى وانـت الأول مـا بــه قـبـل و بـعـد
لـمـنـا جــــو الـمـحـبـه و ضـمـنــا و مـن بعـد قربـك أنا كيـف ابتـعـد
شـوف مـا كبـر يـا حبيبـي عشقنـا فـاق كـل العشـق وحــده و انـفـرد
لـو يــوزع عالبسـيـطه حبـنـا مابقى حــد له كــــــره لاحــــــد

مدخل غرامي

القلب شال الحب والحب شاله مدخل غرامي والأحاسيس حوله
وضاع الفكر ما بين حاله وحاله واسهل حلوله صارت أصْعَبْ حلوله
الحِسِنْ لي يفرض علينا سؤاله كيف الربيع امتد لاربع فصوله
كيف ابتداه الحِسْن ثم انتهى له يا لين حتى الحسن منّه خذواله
وانا اتخيّل في خيالي خياله فرصة عمر تحت ابتسامة طفوله
غرٍ صفا حسنه وقلبي صفا له سهل التمنّي بس صعبٍ وصوله
يحتار فيه اللي يوصّف دلاله ويهين به لي عن جماله حكوا له
يخجل جماله من صفاوة جماله ويغيظ ربّات العيون الخجوله
يمشي معاهم بس كنّه لحاله معهم ولكن كن هم لي مشوا له
والي تعرّض في مرامي نباله والله ما يكسب ولا ربع جوله
عادل ولكن ما برمشه عداله يظلم مجبّينه برمشه وطوله
أصلاً جنوني بس في حَب خاله وشلون لا باوصف تفاصيل زوله
إن قال صَدّي.. قلت: لله قاله وان قال وصلي قلت: بالله قوله
هذا الذي قلبي من الشوق شاله مدخل غرامي والأحاسيس حوله

جنون الحب

لا جنون الحــــــب ينفع في بواد الإحتمــــــال - - - احتمال يكون ضايـــــــع واحتمــــــــــال إنــــــه يبين
الخيال أصبـــح حقيقة والحقيقة من الخـــيال - - - شوف يعني كيف بـــــاجر ضـــاع مــن عمر السنين
لا محبه يــا قليل الحــب مــــن غير اتصــــال - - - ولا تواصــــل بيننــــا يمشي علــــى مـــــــا تشتهين
كــــم عجزت أفهمج والله لـــو أفهم الجمــال - - - يمكـــن الإبـــــل تفهــــــم مــــــــــن قبـــل لا تفهمين

حكومه الحب

سألت جفني ليه ياجفن ماتنام
قال اسأل القلب الشقاوي لعله
يجاوبك لانه هالايام منضام
سألت قلبي قال الاحساس خله
اسأل زمانك لانه اسباب الآلام
رحت اسأله شفت الزمن فيه عله
والأسئلة تشبه تفاسير الاحلام
والحلم ما تقدر تفسره كله
وان الليالي والثقافة والالمام
اقول لنجوم السما والاهله
ماترفع الشاعر محطات الاعلام
ولا الصور على غلاف المجله
مايرفعه الا مقامه ليا قام
في موقف ما كل رجلٍ يحله
والصحف لو جفت ما جفن الاقلام
سمع قلوب الحاسدين المغله
وانا قبل عامين والا قبل عام
والشعر سيفٍ لاتضايقت اسله
اركب الفكره على حسب الالهام
واخاف من بيتٍ يجي فيه زله
والارض ضاقت كره والعالم اقسام
ولكل قسم بين الاقسام مله
ولا صار وضع الناس في كل الايام
بين المجامل والحياة الممله
ودي اكون دولة دون حكام
الحب يحكمها وهي مستقله
ماحب ابدي راي او آخذ احكام
قبل اطلع على جميع الادله
سياسة المتسيد القائد العام
اللي يقدره الزمان بسجله
ابوي عون الجار وضعاف الايتام
اللي يفز لهم لاجوه فـ محله
الله يعز اللي يعزون الاسلام
والله يذل اللي يحب المذله

جرح الصداقة

كلما بنيت الحلم في القلب وكمل قبل أعلنه يظهر صدى عداوته
وضحت همومي من ورى الخافق همل وأحجامها حسب الوضع متفاوتة
و أنا العزيز اللي تشبث بالأمل عسى يشوف من الزمن طراوته
درس الحياة القاسية لو اشتمل على الجبابر لعرفوا قساوته
تلقى بعض تجارهم يمشي ثمل مع الفقارى يرتشف حلاوته
والقاضي اللي في كلامه ما صمل فاضي عمل مسترسل في فضاوته
كيف المطوع يخلف في قول وعمل والمصحف الطاهر نسى تلاوته
قال المثل خل الجمل بما حمل صافح عدوا ما يبين نقاوته
رجلا ضلوعه للحمل ما تحتمل يحرم على رجلي حشى ما خاوته
مثل النعامه راسها تحت الرمل ومن ظلها تشكي مدى ضراوته
جرح الصداقه في الظهر ما يندمل عيت سنيني كلها ما داوته

يوم الوداع

لشفتني ضايق وأهل الدمع وأبكي باقتناع
لا تحزنك عيني ولا تشره على دمعاتها
أنا فقط حبيت أدربها على يوم الوداع
أحبابنا قاسين والأيام هي عاداتها
مهما جلسنا نضحك ونأخذ من الحب المتاع
لابد لحظات المفارق نرتشف كاساتها
حتى لو أكذب وأتوهم حبنا وهم وخداع
الدمعة اللي في عيوني تعكس معاناتها
حتى خفوقي لو يقول انه على بعدك شجاع
ساعة فراقك مستحيل إن يحتمل لحظاتها
كلما نظرت لرمش عينك جيت لأمرك بانصياع
تقول كان الجاذبية في هدبك إثباتها
بشبع عيوني من عيونك شوف قدر المستطاع
عل وعساها تكتفي بالشوف من لذاتها
من قبل أعرفك كان شعري من ضياع إلى ضياع
واللحين يمشي بس لعيونك على مرضاتها
لو ما ذكرتك في قصيدي صار شعري في صراع
دفاتري تبغيك تتواجد على صفحاتها

هذي طبوعي

لابد في الكامل يجي فيه نــقصــان
ياليتــــها بالجـــوع بســـد جوعــــي
لكـــنهــــا كظـــه وفــــره وميــــدان
وانا ليا قدمــت يصعب رجــوعــي
والكلمه اللــي من قنـــاعات وايمان
يصبح بها لساني وتصغي سموعي
قولو لمن سوت عــلى القلب بيبــان
اتفتحن من الســـبت ليــن الربوعـي
اللي حزنها غيـر عن كــل الاحزان
خلا ابتســــاماتي مثــل حب كوعي
لو انهــــا تسهـــر ليـــا بعـــد الآذان
بتشوفني لا رحت بطفي شمـوعــي
حــزين متشــاءم ونــــادم وحيــران
بس ما اظلــم وهاذي ارقى طبوعي
ابوي سمـاني علــى ابـوي حمـــدان
خلانــــي آخذ عزتي من خضوعــي
علمني ابــادل الاســـاءه بالاحســان
من قـــو وقفــاتي اثبـــت وقـــوعـي
يمكن عيوني قاسيه بعض الاحيــان
لكني اعرف من اصدقائي وربوعي
والله لو ان في ايـدي افــرح انســان
بفرحــه لــــو ان ثمنهـــا دمـــــوعي

الدراهم

تحبني والا تحب الدراهم = اختارلك واحدة عشان مااضيع
علاقة ماتنبنى بالتفاهم=حتى تحت نور القمر يمكن تميع
ترى اهل الحب الحقيقي تراهم = مشجعين احساسهم دون تشجيع
صغيرهم يدري بقيمة غلاهم=لايمكن تحصله معروض للبيع
مزروع في قلب غلاك وعساهم =فدوى لبستانك وحصد المزاريع
مداك مايشبه في عيني مداهم =ياضبي يالي مرتعك في المرابيع
اذا زماني مانصفني واذا هم= يبغوني انثر دموع التواديع
للحين بعده ماوصل مستواهم = المستوى شقر الحرار المطاليع
صغار وعيوني لايمكن تراهم = ماهي تشوف الا النجوم الملاميع
البحر وألا الموت أنا كلاهم =أغرقهم وأحدفهم اليابس الريع
الا اذا شفتك معاهم =مساهم كأنك تقطع قلب مغليك تقطيع
لك محتوى يطغى على محتواهم = ويزيدني شوق ومحبة وتلويع
انت القمر والشمس والا حداهم =انت الورود اليانعة والينابيع
أهل الحروب تجر لاجلك هداهم= واهل الطرب تعزفلك اللحن تنويع
والاثقياء موحدين دعاهم =يحفظك ربي من عيون المقاليع
فرع وعلم هالبنات ايش بلاهم = احبابك الموتى ياسيد المفاريع
في ارضهم جنة نجم في سماهم =اذاعة اهل الحسن وصوفك تديع
من غير ماتطلع تراك احلاهم= واذا طلعت تصدع الناس تصديع
لكن لاتبعد بفكرك معاهم =لا الوصل يشرى ولاالشوق للبيع
لو كل حاجة ينشرى بالدرهم = كان اشتريت العمر قدام مايضيع

ثمــــار الهـــــوى

ليــتك معي يوم الهـوى نود نسناس
من الــفرح والله ما تـدمـــع العـــــــين
نــاس على تعذيب ناس لهـم نـــاس
وهــذا الهـوى ياخـــذ قــلـوب المحبين
لكن لا يطري على بـــالك الـــــيـاس
ذوق الهــوى دامـك تعيش العمـر حـين
خذ من عطر ورد مع طيب الانفـاس
واقطف من اثمار الهوى في البساتين
خلك مع حلو اللما عـذب الالعــــاس
الجـــادل اللــــي فايــــق بكـــــل تكوين
لا تحط نفسك بين وعـرات الاطعاس
وافهــــم بــأن الحــب عـذب مــلاييـــن
الحــب مــرجع للمحبـيـن واحسـاس
والحب هـو فـي قـلب الاحـباب نوعين
ع كيف ما تبغي لك تـدق الاجــراس
والشـــــاطر اللي يمـــلك الحب بيدين

قصيدة ساجدة

لك حروفي قصيـد ولك قصيـدي شـعـــور
ولك شعــــوري خفـوق نبضـه الحَيّ إنتـي
ولك غلا في صَميم الروح حَاضر حضور
واشهـــد انــك بقلبي وْلا عـن العيـن غبتي
يا سَـــنا الكــون كلّه والعــواطف بحـــور
يا ظيـا العيــن ياللي في وَسَطـــها سـكنتـي
يا بَعَد كـــــل من لي يا أريج الزهــــــــور
يا أعـذب حروف تظهر في كلامي وصمتي
يا شعـــــاع تحلّى وْلا على الـــنـور نـــور
بـس مـا غيـر نـورك يظهـــر ليا ظـــهرتي
ويْا ملاكٍ خلـقـــه الله لعـمـري ســــــرور
وش تفيد الحيــــاة بْــيــوم لا من زعَـــلتي
أعتذر لك ياعمري ولو بعــــذري قصـور
وانتي قدرك عَ راسي وْلا حشا بيـوم هنتي
إبسمي يعل ربّي يحفظـك م الشـرور
تبتســــــم لي حـَيــاتي وقت فيه ابتسمـتي
ان زعلتي عَلـّـــيه كن كــــوني مهجــور
وان رضيتــــي تسـابق ابتسامتي فرحـتـي
إنحنَـتَ لك قصــــيده ساجـــدة ع السطـــور
كــثر مـا انتي بمَـكه يا اطـهر الناس طفتي

قدّها وقدود

صدق من قال يا محمــد بأنـك سيـف ما تنصــد
مـرواتـّك علم خفـاق وفيـك المرجـله والجـود
يا بن راشد وابو راشد بنيـت امجــاد لك تشهـد
تجـف أقـــلامي بمـدحـك,يحير العـد بالمعـدود
إذا مــنـك بغيـت الشــــي فــلا عنـه مــرد وبــد
تطـول اللي تقـوله عـــز وانتـه قــدها وقــدود
أشــوف النجم ذاك بعيـد,و أنت من النجـم أبعـد
ألا يا حظ أبو من هـو تكـون انته معه موجـود
إذا اسمــك يجي في الشعر يزيـد البحر مده مد
يزيد الشعر في الشاعر تجيه أبيات دون حدود
مروض جامحات الخيل,مهدي المـوقف المشتد
مفـرج كـربة المظلوم,وشـوق الفاتنات الخـود
أحـــد مثلك أنـا ما القى رجـل مثلك أبـد مـا حـد
على شعبه سطـع نوره مثل بـدر اليالي السـود
أنــا لاجـلك كتبت الشعـر وفضلك سيــدي ممتد
على طـول المـدى نبقى لشورك طايعين جنـود

أنا في الشعر

أنا في الشعرابن هذاك إذا إنته تعرف الشعـر
أهيج في البحـور أمـواج أمشيهّا عـلى كيـفــي
واقولـّك لا تجاريني ترى أمشي بدربٍ وعـر
وإذا تبـغــي تجـاريني تــرى لــك امــدٍ سـيـفـي
ولا تضمن تحوز النصر وأنا بحر وانته نهر
وإذا عـارضـت تيـّاري بــرّى مـوجـي وسيفـي
وكم من واحدً غيرك تعرض لي وجاه الكسر
ودارت بـه هبـوب ريـاح في أقـوى عـــواصيفي
تهاجم سايل الأقـلام وسطرً مايهــــّزه سطـر
وإنتـه وينهــا افـكـارك ععـن بيـوتي وتهــديـفي
تبا روس العلا وانته تحول في طريقك حـدر
تحـاول بـس مـا تقــدر بـأن تــوصـل مشـاريفـي
نجـوم الليل ما تنور إذا بيّن شعـاع البـــــدر
وش الي يجمع الوسمي على سحب ورْعد صيفي
تشـوف الجـاذبيه في هالدينا تجــــــرك جـر
أنا عـكـسه افـــــرك ويــن ما أبــغي على كيفـي

نخوة قوافي

يا مسا السكّر على الغصن الرطيب
يعل تسقي ديرته وبل السحب
زارني والفكر ساري سري ذيب
قلت سبحان الذي ساق ووهب
قلت ياليل اللقا والشوق طيب
طيب لاصحاب الحسب واهل النسب
القوافي تنتخيني قبل اثيب
وما على سنّي من اشعاري عتب
إن بدعت الشعر سِنّي ما يعيب
من صغر سِنّي وانا قافي عجب
القوافي بَدعها حظ ونصيب
بس انا حظّي على القاف انتصب
إن صعب قافي ترى فالي يطيب
مطلب افكاري هو القاف الصعب
دامني في صغر سِنّي قبل اشيب
أملي الدنيا زغاريد وطرب
ما عليّه لو غدى شكٍ وريب
وش على الصادق إذا الحاسد كذب
دام فعله دون قولي ما يصيب
كيف لو فعلي على قوله وثب
ظنّ بي ظنّ الحسود المستغيب
وابتليته بلوة السيف الحَدَب
قمت اجيب اللي عجز عنّه يجيب
ما قدر يكشف عن عروق الذهب
كيف الوم اللي نظر عينه عطيب
ما يميّز بين زرفال وخبب
المعاني بدع فكري واللبيب
يدري ان الراس ما يتبع ذنَب
الشعر ماهوب لامثالي غريب
لاني بحاجة من احتاج وكتب
وارثنّه هوب في حاجة نسيب
الضعيف اللي إذا احتاج انتسب
وانت يابو نصّ ظن ونصّ عيب
لا تسال الكرْم عن لون العنب
لا تسال الشط عن موج الغبيب
البحر مايرحم صغار الخشب
والعرب ما تفخر الاّ بالنجيب
واشهد انّي عندهم عِزّ الطلب
وانت يالمحبوب لك ربّ حسيب
لا يغرّك من تباعد واقترب
وانت لو تخطي على قلبي مصيب
صابني من بَيّة عيونك هدب
إن رماني رمش عينك يالحبيب
جرحك علاجي وانا ادوّر سبب
إسأل مجرّب ولا تسأل طبيب
العَرَب ما تفخر الاّ بالعَرب

من هو «فزاع»؟

أنا عنواني اشعاري واسمي في معانيها وأوّل بيت أنا قلته غدا تاريخ ميلادي
إذا تنشِدْ عن أخباري من اوّلْها لتاليها أنا اشعاري هي اخباري على ما اْريد تنقادي
وانا أمّي إماراتي ولِدْت وعشت أنا فيها وابوي أمجاد عرباني وطاري ماضي اجدادي
واخواني أنا المليار مسلم في أراضيها وانا القرآن والسِنّه غَدَوا زادي وزوّادي
أعيش هْمومي وفَرْحي ولا لي نيّه أخفيها وأكبر همّي المقدس وطفلٍ جنبه يْنادي
يهزّ بْصَرْخته أرضٍ نوى الصهيون يمحيها من التاريخ، والعالم وقَفْ مكتوف الايادي
وانا ايّامي هي اسْتاذي تعلّمني لياليها فلا خيرٍ بإنسانٍ يِفادْ ولا بَعَدْ فادي
و(زايد) قِدْوِتي (زايد) و(زايد) من يزهّيها بلاده شانها عالي باسمهْ دايمْ تْشادي
وروحي (محمّد المغوار) ابن راشد يغذّيها من أشعاره من أفكاره، بنيت بْمجدهْ امجادي
مرَبِنّي على الجودْ وعلى المعروف واحميها بلادي حبّي الأول ولا لي غيرها بلادي

خلاص يعني

خلاص يعني كل شَيّ انتهى وراح خلاص يعني ما بقينا حبايب
يعني وعودك كلها كانت مْزاح والاّ انت ما لك في المحبّه رغايب
وين العهود ووين لحظات الافراح يعني تلاشت مع هبوب الهبايب
القلب بعدك من له اليوم يرتاح من بعد ما هو في محبّتْك ذايب
ياما على شانك تحمّلت الاجراح وياما جروحي من صدودك عطايب
سرقتني عن جملة الناس يا صاح والفكر عندك ماخذنّه نهايب
خِلّك يحبّك يا بَعَدْ سِيْد المْلاح إن رحت عنّه راودنّه مصايب
خَلّك معه دام الهوى حيل نضّاح والواش رِدّه يا هوى البال خايب

يتبع